Sögubrot

Ævigöngu Jóhönnu á Hrauni – Hrauns-Jóku – er fylgt áfram, afdrif fjölskyldunnar eru rakin, dapurleg uppákoma við Hrútafjarðará kemur við sögu og örlagarík veiðiferð á Hraunsvatni. Þá er flett ofan af dularfullum höfundi bændarímu í Mosfellssveit. Hvað er meinlæti og hvað er bróðurlóð og hver er munur á að vera bústýra og husholdiska? Hver er þessi 'beau' sem Jóhanna verður skotin í. En umfram allt: hvernig má það vera að vinnukonukind hefji búskap á eigin jarðarparti og hvernig verður Jóhanna svo að Hrauns-Jóku? Harmur, erfðamál, rómans og spenna; allt þetta og meira til í einum hlaðvarpsþætti!
Bjarni Guðmarsson tók saman, lesari með honum Jóhanna Pálsdóttir.
Tónlist eftir / music by © Crowander (David Szesztay), crowander.com.

Fyrsti þáttur í röð um Hrauns-Jóku. Hér segir frá heimahögum Jóhönnu í Öxnadal, þjóðskáldinu á Bægisá og fæðingu söguhetjunnar.
 
Bjarni Guðmarsson tók saman, lesari með honum Jóhanna Pálsdóttir.
Tónlist eftir / music by © Crowander (David Szesztay), crowander.com.

Það er komið að sögulokum. Í þessum lokaþætti heyrum við af því hvernig fjölskyldunni í Bifröst vegnar gegnum heila heimsstyrjöld og margs konar óvæntar uppákomur.
Tónlist eftir / Theme music by Crowander (https://www.crowander.com/)

Saga Frímanns Jónssonar og fjölskyldu hans er rakin áfram, nú berst leikurinn til Reyðarfjarðar þar sem komið hefur verið upp merkilegri rafstöð og Frímann hlýtur stöðu rafstöðvarstjóra – við misjafnar undirtektir. Fjölskyldan dafnar og enn bætist barn í hópinn.
Tónlist eftir / Theme music by Crowander (https://www.crowander.com/)

Furður tímans hellast yfir, gúmmístígvél á fætur og blikkbeljur leysa reiðhesta af hólmi. Bóndasonurinn á Bessastöðum eignast kærustu og stofnar fjölskyldu. Og finnur fjölina sína í nýjasta undri tímans. Brátt kviknar ljós í Fljótsdal.
 
Lesari Jóhanna Pálsdóttir.
Tónlist / Theme music by Crowander (https//www.crowander.com)

Um aldamótin fá landsmenn telegraf og telefón á heilann. Anna er ekki lengur Anna á Skriðuklaustri heldur Anna á Bessastöðum, þangað flytja þau Jón með börnum sínum og brátt drífur að fólk. Jón er kampakátur enda gengur búskapurinn vel en málið vandast þegar frumburðurinn Frímann tekur í sig að ganga menntaveg. Á Eiðum bíða ævintýrin, skólafélagar læra að nota vatnskrana og gera efnafræðitilraunir með karbít og hlandkopp. Þetta og margt fleira í þriðja þætti sögunnar.